原來今年7月6號就係《阿甘正傳》(Forrest Gump)上映30周年,呢30年來你睇過套戲幾多次?
今日外媒紛紛報導,《阿甘正傳》導演Robert Zemeckis將會聯同該片編劇Eric Roth、男女主角湯漢斯及羅冰韋特,再次合作新片Here。
Here由一本同名圖像小說(Graphic Novel)改編,呈現一間屋嘅100年故事,當中喺呢間屋度過唔少寒暑嘅一對夫妻,就係由「阿甘CP」飾演。而Here有趣在,鏡頭會設喺屋內同一位置,變化嘅就只有四周景物、家居擺設同埋人,都幾似睇緊舞台劇,亦相當考驗演員功架。
另一賣點係湯漢斯及羅冰韋特會由戰後嬰兒潮嘅年青人演到80歲,唔會搵他人代演年青版,而係靠電腦特技為兩位「回春」。由Vanity Fair刊登嘅劇照可見,「後生版」嘅兩位又真係同佢地後生嗰陣差唔多。
導演Robert Zemeckis話呢種敘事手法前所未見﹐最多都係喺默片年代用過,連佢自己都話幾大膽。Here將於今年11月15日喺北美上映,以其手法同陣容,相信會係明年各大電影頒獎禮嘅爭標分子之一,而且相信都幾催淚。
© 版权声明
文章版权归作者所有,未经允许请勿转载。
相关文章
暂无评论...
最新文章
热门网址
没有数据!